من أجمل اغاني عايشه المرطه , أبشري يا عين جابولي خبر ...عن حبيب الروح باجر تفرحين - سامريه جميلة من كلمات يوسف المنيع وألحان عثمان السيد , الكل تغنى فيها ,ذكرى غنتها ,صلاح حمد غناها , وبالسمرات لازم يغنونها , لدرجة ان البعض حاليا مايعرف منو مطربها الأصلي ولا يدرون ان عايشه المرطه صاحبة هذي الاغنيه , والبعض يعتقد انها لصلاح حمد خليفة وهذا الكلام مو صحيح , الكلمات جميلة والاداء رائع وطبعا انا متأكد ان كل شخص له له ذكرى مع هالاغنيه ,,, بالنسبة لي اهي تذكرني بواحد من الربع يدرس برا
عالعموم هذي الكلمات ولو اني مااحتاج اكتبهم لان عايشه تغنيها بشكل واضح :
أبشري يا عين جابولي خبر
في حبيب الروح باجر تفرحين
علموني عنه قالوا ماقدر
واكشفت الايام شوقه والحنين
...
ناظري مسكين ماتم الشهر
عاذلي ولهان راجع للعليل
ياهلا به عد ماهل المطر
الحبيب اللي هويته من سنين
...
شوفته تجلي اهمومي والكدر
ضحكته والله تسر الناظرين
كامل الاوصاف محبوبي قمر
يسحر العشاق خده والجبين
...
أبشري ياعين جابولي خبر
في حبيب الروح باجر تفرحين
علموني عنه قالوا ماقدر
واكشفت الايام شوقه والحنين
